ताज्या घडामोडी

‘सोशल डिस्टन्सिंग’चे पालन न केलेल्या साखर विक्रेत्यावर गुन्हा दाखल

9 months ago Maharashtra Headlines

भिगवन प्रतिनिधी

सध्या भिगवण व परिसरात कोरोनाबाधित रुग्ण मोठ्या प्रमाणात आढळून येत आहेत.त्यामुळे येथील वाढती रुग्णसंख्या पाहता, प्रशासनाने दि.21 एप्रिल ते 30 एप्रिल पर्यंत भिगवण ,तक्रारवाडी व मदनवाडी इत्यादी गावामध्ये अत्यावश्यक सेवा वगळता सर्व व्यवहार बंद ठेवण्याचा निर्णय घेतलेला आहे.
दि.22 एप्रिल रोजी भिगवण पोलीस स्टेशन हद्दीत पोलीस पेट्रोलिंग करत असताना तक्रारवाडी येथे साखर विक्रेता दशरथ पंढरीनाथ कुताळ( वय 44 वर्षे रा.भादलवाडी.ता.इंदापूर जि.पुणे) याच्यावर सोशल डिस्टन्सिंगचे पालन न केल्याने भिगवण पोलीसांकडून गुन्हा दाखल करण्यात आला आहे.
याबाबत अधिक माहिती अशी की, भिगवण-राशीन रस्त्यालगत असलेल्या साखर वाटप केंद्रावर दशरथ कुताळ यांनी जिल्ह्यात लागू असलेल्या जिल्हाधिकारी यांचे आदेशाचे पालन न करता सभासदांची कोणतीही रांग लावलेली नव्हती.तसेच साखर वाटपाचे कोणतेही नियोजन करण्यात आलेले नव्हते.याउलट साखर वाटप करत असताना तेथे सोशल डिस्टन्सिंगचे पालन न करता गर्दी व जमाव जमवून सभासदांना साखर वाटप करण्यात येत होती ही बाब पेट्रोलिंग करत असलेल्या पोलिसांच्या निदर्शनास आल्याने संबंधित साखर विक्रेत्यावर भिगवण पोलीस स्टेशनकडून कायदेशीर कारवाई करण्यात आली आहे.