क्राईम डायरी

भिगवण पोलिस स्टेशन येथे खासगी सावकाराविरूध्द गुन्हा दाखल:खासगी सावकार पोलिसांच्या निशाण्यावर

1 year ago Maharashtra Headlines

भिगवण प्रतिनिधी
आप्पासाहेब गायकवाड

भिगवण व परिसरात खासगी सावकारकीचा विळखा घट्ट झाल्याने पोलिसांकडून या सावकारांच्या मुसक्या आवळण्यास सुरवात झाल्याचे चित्र पहायला मिळत आहे. पोलिस सूत्रांकडून मिळालेल्या माहितीनुसार,फिर्यादी गणेश अर्जुन पवार ( रा. भिगवण) यांनी खासगी सावकार शिवाजी विजय देवकाते (रा.देवकाते वस्ती, मदनवाडी) यांच्याकडून फॅब्रिकेशन व्यावसायासाठी टप्प्याटप्प्याने २ लाख रूपये रोख रक्कम ३० टक्के व्याज दराने घेतले होते.

पवार यांनी सन २०१७ पासून ते ऑक्टोबर २०१९ पर्यंत २ लाख रूपये रकमेच १४ लाख ५० हजार रूपये ३० % व्याज दराने पैसे खासगी सावकार देवकाते याला दिले आहे.

त्यानंतर पवार यांना खासगी सावकार देवकाते यांना दीड ते दोन महिने व्याज न देता आल्याने पवार याला धमकावुन शिवीगाळ केली.

जानेवारी २०२० मध्ये देवकाते यांनी पवार यांच्या घरी येवून माझे तुझ्याकडे काम आहे,असे गोड बोलुन पवार यांना त्यांच्या राहत्या घरी मदनवाडी, देवकाते वस्ती येथे घेवून गेले व माझ्या पैशाचे काय झाले असे म्हणून फिर्यादी गणेश पवार याला शिवीगाळ करून खो-याच्या दांडयाने दोन्ही पायावर व नडगीवर मारहाण केली. यावेळी फिर्यादीचा मॅनेजर संतोष पवार हा तेथून पळून गेला. झालेल्या मारहाणीत पवार याच्या दोन्ही नडग्यास गंभीर जखमा झाल्या.

यानंतर शिवाजी देवकाते व गणेश मोहन शेळके दोघांनी फिर्यादी गणेश पवार याच्या जवळ जाऊन देवकाते याने फिर्यादीच्या मालकीची हुंदाई कंपनीची वेरणा कार,नंबर एम.एच ४२ के ५५०१ ही मला विकली म्हणून नोटरी करून दे तरच तुला सोडतो, नाहीतर माझे घरी नेवून बांधून मारहाण करतो अशी धमकी दिली.

त्यानंतर देवकाते व शेळके हे फिर्यादीस त्याचे घरी घेवून आले व फिर्यादीस वरील गाडीचे पेपर आणायला सांगितले.
पेपर घेवून आलेनंतर शिवाजी देवकाते, गणेश शेळके. सलीम जाहीद पिंजारी यांनी बारामती येथील जुने कोर्टाजवळ घेऊन गेले त्यावेळी देवकाते याने पवार यांच्याकडून जबरदस्तीने स्टॅम्प पेपरवर हुंदाई कंपनीची वेरणा कार एम.एच ४२ के ५५०१ ही शिवाजी देवकातेला विकली अशी नोटरी करून घेतली व चावी जबरदस्तीने हिसकावून कार घेऊन गेला व तद्नंतर देवकाते यांनी वारंवार मोबाईल वर फोन करून पैसे दे व गाडी घेऊन जा,नाहीतर तुझ्या कारला गिऱ्हाईक बघतो व तुझी कार विकुन माझे पैसे घेतो, अशी धमकी दिली. म्हणून खासगी सावकार शिवाजी विजय देवकाते यांच्या विरूध्द भिगवण पोलीस स्टेशन येथे भारतीय दंड विधान व महाराष्ट्र सावकारी प्रतिबंध अधिनियम २०१४ प्रमाणे गुन्हा दाखल करण्यात आला आहे.

सदर सावकारी प्रकरणी आरोपीला चार दिवसांची पोलीस कोठडी मिळाली असून आत्तापर्यंत आरोपीकडून दोन चार चाकी वाहने,एक मोबाईल फोन, गुन्ह्यांमध्ये केलेली नोटरी
तसेच वेगवेगळ्या व्यक्तींच्या कडून स्वीकारलेले पाच चेक जप्त केले आहेत.

पोलीस अधिक्षक डॉ.अभिनव देशमुख यांनी दिलेल्या सुचनेप्रमाणे अपर पोलीस अधिक्षक बारामती मिलींद मोहिते,उपविभागीय पोलीस अधिकारी नारायण शिरगांवकर यांचे मार्गदर्शनाखाली सहाय्यक पोलिस निरीक्षक जीवन माने हे सदर गुन्हयाचा अधिक तपास
करित आहेत.

भिगवण पोलीस स्टेशन हद्दीतील सदर खासगी सावकार शिवाजी देवकाते किंवा इतर कोणत्याही खासगी सावकाराविरूध्द तक्रार असल्यास तक्रारदारानी भिगवण पोलीस स्टेशन येथे संपर्क करावा असे आवाहन सहाय्यक पोलिस निरीक्षक जीवन माने यांनी केले आहे. तसेच पोलीस स्टेशन हद्दीतील काही खासगी सावकार हे खासगी सावकारीसाठी काही पतसंस्था व इतर वित्तीय संस्था यांचा आधार घेत असल्याची माहीती पुढे येत असल्याने त्या बाबींची पडताळणी करण्याचे कामकाज चालु आहे.