ब्रेकिंग न्युज

भिगवण-बारामती मार्गावर शेटफळ परिसरात ट्रॅक्टर ट्राॅली पार्किंगमुळे अपघाताचा धोका: कारवाईची मागणी

1 year ago Maharashtra Headlines

भिगवण प्रतिनिधी
आप्पासाहेब गायकवाड

भिगवण-बारामती या राज्य मार्गालगत शेटफळ गावच्या परिसरामध्ये राज्य मार्गाच्या एका बाजूने उसाचे ट्रॅक्टर ट्रॉली दोन ते तीन किलोमीटर रांगा लावून लांब अंतरापर्यंत उभ्या असतात. यामुळे गेली आठ दिवसापासून शेटफळ परिसरातील नागरिकांना व राज्य मार्गावरून वाहतूक/प्रवास करणाऱ्या वाहनधारकांना,नागरिकांना याचा प्रचंड त्रास होत आहे,या बेकायदेशीरपणे ट्रॅक्टर ट्रॉली च्या पार्किंग मुळे अपघात होण्याचा धोका निर्माण झालेला आहे. रस्त्यावर पार्किंग केलेल्या वाहनांवर तात्काळ कायदेशीर कारवाई करण्यात यावी अशी मागणी राज्य ग्राहक संरक्षण परिषदचे सदस्य ऍड.तुषार झेंडे पाटील यांनी निवेदनाव्दारे, उपप्रादेशिक परिवहन अधिकारी बारामती यांच्याकडे केली आहे.

या राज्यमार्गावर वाहतुकीस होणारा अडथळा दूर करण्यात यावा व भविष्यात अपघातातून होणारी जीवित हानी होऊ नये अशी विनंती या निवेदनाद्वारे करण्यात आली आहे, याबाबत आपल्या कार्यालयाच्या वायुवेग पथकामार्फत तात्काळ कार्यवाही करण्यात यावी, अन्यथा अपघात झाल्यास परिवहन अधिकारी यांना जबाबदार धरले जाईल असा सूचक इशाराही या निवेदनात देण्यात आला आहे.