ताज्या घडामोडी

विद्यार्थ्यांनी पथनाट्य सादर करीत केली जनजागृती

3 months ago Maharashtra Headlines

भिगवण प्रतिनिधी :

विद्या प्रतिष्ठान इंग्लिश मीडियम स्कूल, बिल्ट (भिगवण) आणि रोटरी क्लब,भिगवण यांच्या संयुक्त विद्यमाने शनिवार दि.30 ऑक्टोबर रोजी शाळेमध्ये नव्याने सुरू झालेल्या रोटरी इंटरॅक्ट क्लब मधील विद्यार्थ्यांनी प्रदूषण मुक्त दिवाळी या विषयावर भिगवण परिसरामध्ये पथनाट्य सादर करीत जनजागृती केली, या कार्यक्रमाच्या माध्यमातून विद्यार्थ्यांनी दिवाळी साजरी करताना वयोवृद्ध, आजारी व्यक्ती, प्राणी, पर्यावरण या सर्वांचा विचार करण्याचा संदेश दिला.
तसेच सध्या कोरोना परिस्थिती बद्दल मास्क सॅनिटायझरचा वापर करावा व सुरक्षित अंतर ठेवावे याविषयीचे महत्व पटवून दिले.
विद्यार्थ्यांनी शाळेमध्ये मातीच्या दिव्यांना रंगकाम व सजावट करण्याचा उपक्रम राबवून सजावट केलेल्या दिव्यांची विक्री करणे व त्या माध्यमातून मिळालेला रकमेतून भिगवण परिसरातील गरीब गरजू विद्यार्थ्यांना मदत करणे व गरीब लोकांना दिपदान करणे हा उपक्रम राबविला.
हा उपक्रम व पथनाट्य यशस्वीपणे पार पाडण्यासाठी शाळेच्या मुख्याध्यापिका सरिता शिंदे यांचे मोलाचे मार्गदर्शन लाभले व अर्चना जानकर यांच्या संकल्पनेतून केलेल्या या उपक्रमाला शिक्षक संघपाल कांबळे, वैशाली भोसले, रजनीकांत भोसले, सुजय गांधी, यांनी मदत केली व विद्यार्थ्यांना प्रोत्साहन दिले.
तसेच या कार्यक्रमाला रोटरी क्लब ऑफ भिगवणचे अध्यक्ष संजय खाडे, माजी अध्यक्ष संपत बंडगर, नामदेव कुदळे, अकबर तांबोळी, संजय रायसोनी आणि भिगवण पोलिस स्टेशनचे सहा. पोलिस निरीक्षक दिलीप पवार यांचे सहकार्य लाभले.